આ છોકરીઓ ગજબની ચીજ છે !
છંછેડો એને તો સૂરજ છે કાળઝાળ
આઘેથી જુઓ તો ઇદ છે !આ છોકરીઓ …

આંખો જાણે કે એની હેલોજન લાઇટ,
અને નજરો જાણે કે એની ચાકુ,
બુક્કાની બાંધીને સ્કૂટર ચલાવે જાણે
ઘોડા પર ચંબલનો ડાકુ !

એક રીતે જુઓ તો સેલ્ફસ્ટાર્ટ આઇટમ

     ને એક રીતે જુઓ તો કીક છે !આ છોકરીઓ …
  
                           ચહેરા પર ખીલ જોઇ અરીસાને ગાળ                       
ને વાળ એના ખરતાં તો રોતી, 
  અંદર-અંદરથી એવી ચોળાયા કરતી 
    હું પેલા આવી તો ન્હોતી !

      ચાલુ-બંધ ચાલુ-બંધ થાતી આ છોકરીઓ
           જાણે કોઇ ઇલેકટ્રીક સ્વીચ છે !આ છોકરીઓ ….

      એની કોઇ બહેનપણી સાથે હું બોલું
         તો એને દિલ પડતાં ઉઝરડાં,
           મારે તો શું ! હું તો હાંઇકે રાખું,
          વગર દોરીના ફેરવું ભમરડાં !

              રહેવા દે ભઇલા, એ એમ નહિ માને,
                     એને રાજી કરવાની એક રીત છે. આ છોકરીઓ ….

                                                                  - અજ્ઞાત